RUS
SMARTNEWS.KZ басылымының хабарлауынша, Даркнетте Uzbekistan Airways авиакомпаниясына тиесілі болуы мүмкін деректер базасы сатылымға шығарылды.
Хакерлер жариялаған ақпаратқа сәйкес, бұл азаматтық авиация тарихындағы ең ірі деректердің бірі болуы ықтимал. Сатылымға қойылған база көлемі – 300 ГБ. Зиянкестер компанияның Amazon S3 сақтау жүйесіне және Postgres деректер қорына қол жеткізгенін мәлімдеді.
Жарияланған лот сипаттамасында мына деректер бар екені көрсетілген:
шамамен 500 мың жолаушының электрондық поштасы және компания қызметкерлеріне тиесілі 400 хат;
2025 жылдан бері сапарлаған 400 мыңға жуық жолаушының жеке деректері;
билеттер сатып алуға байланысты қаржылық транзакциялар мен банк карталарының фрагменттік мәліметтері;
ішкі хат алмасулар (.msg форматында), 40-тан астам ел азаматтарының паспорт көшірмелері (Ресей, АҚШ, ЕО елдері және т.б.);
жүргізуші куәліктері, некелік және туу туралы куәліктер;
Amadeus, IMAP, Docker, S3 секілді корпоративтік жүйелердің есептік жазбалары.
Хакерлер деректердің шынайылығын дәлелдеу үшін түрлі ел азаматтарының паспорт суреттерін жариялаған. Uzbekistan Airways әзірге жағдайға қатысты ресми пікір білдірген жоқ.
Карақалпақ диаспорасының Қазақстандағы жетекшісі Ақылбек Мұратбай X әлеуметтік желісінде:
«Утечка включает более 500 тыс. электронных адресов пассажиров, учетные данные систем Amadeus и сотни тысяч записей с финансовой информацией. Это угроза частной жизни и безопасности тысяч людей», – деп жазды.
Айта кетсек, жуырда Қазақстанда ресейлік «Сирена-Тревел» брондау жүйесінен деректердің таралуы талқыланған еді. Сол кезде де қазақстандық жолаушылар зардап шеккен болатын.