RUS
SMARTNEWS.KZ басылымының хабарлауынша, танымал қазақстандық блогер Динара Рахимбаева денсаулығына қатысты жағымсыз жаңалықпен бөлісті. Оның сөзінше, дәрігерлер тексеріс кезінде сол жақ кеудесінен 4 сантиметрлік ісік тапқан.
Динара бұл туралы Instagram парақшасында бейнежазба жариялап, жазылушыларын денсаулыққа бейжай қарамауға шақырды.
«Ең бастысы – тексерілуді ұмытпаңыздар. Мен мамологқа жоспарлы тексеріске бардым. Нәтижесінде – сол жақ кеудемнен 4 см ісік анықталды. Маған алда ем күтіп тұр. Ал сіздерге – дер кезінде тексерілу керек», – деді ол.
Блогер ерте анықтаудың маңызын атап өтіп, оқырмандарын денсаулығына жауапкершілікпен қарауға үндеді.
Динара әлеуметтік желіде «қазақстандық барби» образы арқылы танылған.