RUS
SMARTNEWS.KZ басылымының хабарлауынша, АҚШ президенті Дональд Трамп Украина мен Ресей көшбасшыларының келіссөздерін ұйымдастыруға араласудан бас тартты.
The Guardian жазғандай, Ақ үйдегі дереккөздер Трамп енді Киев пен Мәскеу келіссөздерді өздері ұйымдастыруы тиіс деп санайтынын мәлімдеді. Оның пікірінше, бұл – соғысты тоқтатуға жасалатын келесі қадам.
Америкалық президент Зеленский мен Путин жүздескеннен кейін ғана өзінің қатысуымен үшжақты саммит өткізуді жоспарлап отыр. Алайда бұл кездесу өтетіні әзірге белгісіз.
Айта кетейік, бұған дейін Трамп 18 тамызда Зеленский және ЕО лидерлерімен кездескенде екі тарапты кездестіру бойынша дайындық басталғанын айтқан еді. Ал AFP хабарлауынша, Путинмен телефон арқылы сөйлескенде Ресей басшысы келіссөзді Мәскеуде өткізуді ұсынған. Бірақ Владимир Зеленский бұл ұсыныстан бас тартып, кез келген басқа форматта жүздесуге дайын екенін растады:
«Біз кез келген форматтағы кездесуге дайынбыз. Бұл ниетімді барлық еуропалық көшбасшылар да қолдады», – деген болатын Украина президенті.
Кездесудің өтуі мүмкін орындары ретінде Будапешт, Мәскеу және Женева аталған.