RUS
SMARTNEWS.KZ басылымының хабарлауынша, әнші Алтынай Жорабаева әлеуметтік желідегі сын пікірлерге байланысты өз ренішін білдірді.
Өнер иесінің айтуынша, әр адам өз қалауымен өмір сүруге құқылы, сондықтан өзгелердің жеке өміріне араласу дұрыс емес.
«Ұл-қыз өсіріп отырып, неге біреудің өмірін талқылайды екен көп жандар? Үйтпе, бүйтпе деп… Негізі, әркім өзі біледі: не салғысы келеді, қалай өмір сүргісі келеді, не айтқысы келеді. Өз стандартыңызды талап етпеңіз! Әр адам өз қалауымен, тәрбиесімен өмір сүреді. Сіз соншалықты мінсізсіз бе? Алдымен өз отбасыңызға, туған-туысыңызға қараңыз», – деп жазды әнші Instagram парақшасында.
Желі қолданушылары бұл жазбаға түрлі пікір білдірді. Бірі әншінің сөзін қолдаса, енді бірі көпшілікке ашық жарияланатын жазбаларға абай болу керегін ескертті.
«Дұрыс айтасыз, әркімнің өз таңдауы бар», «Мінсіз адам жоқ, шектен шықпау керек», «Әлеуметтік желіде жариялайтын әр нәрсені ой елегінен өткізу қажет», «Көпшілікке шыққан соң, сын да болады», – деген пікір қалдырды.