RUS
SMARTNEWS.KZ басылымының хабарлауынша, АҚШ президенті Дональд Трамптың айтуынша, Газа секторындағы қақтығысты жақын арада реттеу мүмкін. Ол бұл пікірін Ақ үйде Оңтүстік Корея басшысы Ли Чжэ Мёнмен кездесу кезінде журналистердің сұрағына жауап бере отырып айтты.
«Менің ойымша, біз алдағы екі-үш аптада бұл қақтығысты толық аяқтауға қатысты шешімге келеміз. Бірақ нақты айту қиын, себебі ол аймақ мыңдаған жылдар бойы қақтығыстардың орталығы болып келеді», – деді Трамп.
Айта кетейік, 18 наурызда Израиль әскері атысты тоқтату режимін бұзып, Газа секторына қуатты соққы жасаған еді. Әскери операцияның күшеюін Израиль тарапы ХАМАС қозғалысының келіссөздердегі ұсыныстардан бас тартуымен түсіндірді. Олар өздерінің басты мақсаты – кепілге алынған адамдарды босату екенін айтады. Ал палестиналық радикалдар әскери әрекеттерге Израиль мен АҚШ-ты айыптап отыр.
Бұған дейін, 8 тамызда Израильдің әскери-саяси кабинеті премьер-министр Биньямин Нетаньяху ұсынған Газа қаласын толық бақылауға алу және операцияны кеңейту жоспарын мақұлдаған болатын. 20 тамызда бұл жоспарды Қорғаныс министрі Исраэль Кац бекітті.