RUS
SMARTNEWS.KZ басылымының хабарлауынша, Жетісу облысының Кербұлақ ауданында бұрын білім саласында жұмыс істеген әйел кәмелетке толмаған қызды соққыға жықты деген күдікпен ұсталды.
Әлеуметтік желілерде тараған мәліметке сүйенсек, күдікті — бұрынғы педагог. Оқиға 8 жасар қызға қатысты болған.
Облыстық полиция департаменті бұл дерекке қатысты қылмыстық іс қозғалғанын растады.
«Күдікті ұсталып, полиция бөліміне жеткізілді. Қазір оқиғаның себебі мен мән-жайы анықталып жатыр. Қажетті тергеу амалдары жүргізілуде. Тергеу қорытындысы бойынша заңға сәйкес шешім қабылданады», — делінген ведомство хабарламасында.