RUS
SMARTNEWS.KZ басылымының хабарлауынша, Түркияның Ақсарай қаласында 13 жастағы өзбекстандық жасөспірім әпкесінің жігітін пышақпен жарақаттады.
Оқиға 22 тамыз күні кешке «Эрегликапы» махалласында болған. Алдын ала мәлімет бойынша, қыздың үйінің жанында жасөспірім мен жігіттің арасында жанжал шығып, төбелеске ұласқан. Сол сәтте бала ас үй пышағын қолданған.
26 жастағы ер адам кеудесінен жарақат алып, ес-түссіз күйде ауруханаға жеткізілді. Дәрігерлер оның жағдайын ауыр деп бағалауда.
Оқиғадан кейін жасөспірім қашып кеткен. Ал қыз шу естіп сыртқа шыққанда сүйіктісін есінен танып жатқан күйінде көріп, жедел жәрдем шақырған.
Полиция іздестіру жұмыстарын жүргізіп, жасөспірімді қаладағы саябақтардың бірінен ұстады. Қазір тергеу амалдары жүріп жатыр.
Айта кетейік, бұған дейін, 17 тамызда Ыстамбұлда өзбекстандық әйелді күйеуі қызғаныштың салдарынан өлтірген еді. Ол қашпақ болған, бірақ тәртіп сақшылары ұстап, марқұмның денесі елге жіберілді.