RUS
SMARTNEWS.KZ басылымының хабарлауынша, 26 тамызда Израильде азаматтар тұтқындарды босатуды және Газа секторындағы соғысты тоқтатуды талап етіп, жаппай акцияға шықты. Наразылыққа шыққандардың айтуынша, премьер-министр Беньямин Нетаньяху әдейі соғысты созып отыр.
Таңертеңнен бастап елдің әр өңірінде жолдар жабылды. Тель-Авив маңындағы маңызды Аялон трассасы да уақытша қозғалысқа жабылды. Жергілікті БАҚ-тың хабарлауынша, АҚШ елшілігіне жақын тұста 2023 жылғы 7 қазанда ХАМАС лаңкестері ұрлап кеткен израильдіктердің суреті бейнеленген баннер ілінген. Ал Тель-Авивтің солтүстігінде наразылар көлік шиналарын өртеген.
Тұтқындар туыстарының форумы «Жаппай азаматтық ынтымақ күні» деп жариялап, ел бойынша акциялар өткізуге шақырды. Кешке Тель-Авивтің орталығындағы «Тұтқындар алаңында» ауқымды митинг жоспарланған.