RUS
SMARTNEWS.KZ басылымының хабарлауынша, Ақтөбе қаласында 36 жастағы әйел сутенерлікпен айналысқаны үшін сотталғанымен, Конституцияның 30 жылдығына жарияланған амнистия бойынша бостандыққа шықты.
Тергеу мәліметінше, әйел қаладағы ойын-сауық орнында администратор болып жұмыс істеген. Сол жерде клиенттерді тауып, жезөкшелердің қызметін 40 мың теңгеден сатқан.
Қалалық сот ісін Қылмыстық кодекстің 309-бабы («Жезөкшелікпен айналысуға арналған притон ұйымдастыру немесе ұстау») бойынша қарады.
Айыпталушы кінәсін толық мойындап, істеген ісіне өкінетінін айтып, амнистия қолдануды сұрады. Мемлекеттік айыптаушы да қарсылық білдірмеді.
Сот оның өтінішін қанағаттандырып, амнистияға сәйкес қылмыстық жауапкершіліктен босатты. Әйел сот залынан бірден босатылды.
Айта кетейік, былтыр Алматыда «Love Айка» лақап есімімен танылған 25 жастағы сутенер алты жылға бас бостандығынан айырылған еді. Ол модель әрі блогер ретінде танылып, сонымен қатар элиталық эскорт бизнесін ұйымдастырған. Айка жылына 209 миллион теңгеге дейін табыс тапқан. VIP-клиенттер тізіміне ену үшін 300 доллар төлеу керек болған. Сонымен бірге оның үстінен есірткі сақтағаны үшін де айып тағылған.