RUS
SMARTNEWS.KZ басылымының хабарлауынша, Алматы клубының қақпашысы Темірлан Анарбеков тарихи жеңістен кейін қазақстандықтарға алғыс айтты.
«Қазақстанға және әр жанкүйерге алғыс айтамын! Бұл – бәріміздің ортақ жеңісіміз! Бірге болсақ, біз мықтымыз! Алға, Қазақстан!» – деп жазды 21 жастағы қақпашы Instagram-парақшасында.
Еске салайық, «Қайрат» екі матчтың қорытындысы бойынша Шотландияның атақты «Селтик» клубын сенсациялық түрде жеңіп, тұңғыш рет Чемпиондар лигасының топтық кезеңіне жолдама алды.
Бұған дейін алматылықтар еурокубоктарда тек бір рет топтық кезеңге шыққан болатын – 2021/22 жылғы маусымда Конференциялар лигасында. Сол кезде «Базель», «Қарабақ» және «Омония» командаларымен бір топта ойнаған «Қайрат» бар болғаны екі ұпай жинап, соңғы орынға тұрақтаған еді.