RUS
SMARTNEWS.KZ басылымының хабарлауынша, адвокат Ләззат Ахатова қоғамда резонанс тудырған Әнару Құрманәлі ісіне қатысты мәлімдеме жасады.
Ахатова өз сөзінде композитор Қалдыбек Құрманәлі мен оның қызы Әнарудан ешқандай гонорар алмағанын айтты. Оның айтуынша, бастапқыда адвокат бұл іске қыз тағдырына жанашырлықпен араласқан.
«Алғашында ақшам жоқ деген соң, тегін көмектестім. Әкесі мен қызының сөзін сөйлеп, ел алдында қыздың абыройын қорғауға тырыстым. Бірақ қазір олар мені қаралап жатыр. 1 млн теңге алды дегені – жалған», – деді ол.
Адвокаттың айтуынша, ол сотқа екі талап арыз дайындап жатыр. Біріншісі – жала жабу бойынша, екіншісі – ар-намысын қорғау үшін. Ахатова Әнару Құрманәлі мен әкесінен 10 млн теңге моральдық өтемақы өндіруді көздеп отыр.
«Әр адамның абыройы бар. Оны аяқ асты етуге болмайды. Бұл іске тегін кірістім, бірақ енді әділеттілік үшін соңына дейін барамын», – деді Ләззат Ахатова.