RUS
SMARTNEWS.KZ басылымының хабарлауынша, әлеуметтік желілерде АҚШ-та өскен қыздың Орал әуежайында өз туған ата-анасымен кездескен сәті түсірілген видео кең таралып жатыр.
Оқиға 2000 жылы басталған. Батыс Қазақстан облысының тұрғынына перзентханада жаңа туған қызы шетінеп кетті деген хабар берілген. Алайда арада ширек ғасыр өткен соң баланың тірі екені анықталды. Қыз осы уақыт бойы шетелдік отбасының қолында өсіп келген.
Жуырда ол өзін тәрбиелеген әкесімен бірге Қазақстанға ұшып келіп, туғандарымен кездесті. Әуежайда болған ұзақ күткен қауышу сәті бейнежазбаға түсіп, желіде қызу талқылануда. 25 жыл күткен отбасы қайта қауышты.
Белгілі болғандай, нәрестенің жоғалуына қатысы бар болуы мүмкін үш дәрігерге қатысты қылмыстық іс қозғалған. Қыздың туған әпкесі Айымгүл бұл бейнені өз парақшасында жариялады.