Төреғалидің қарындасы жүктілігін жариялаймын деп қызу талқыға түсті
Ол 3 жылда 3 рет сәбилі болуы көпшілікті таңғалдырды.
SMARTNEWS.KZ басылымының хабарлауынша, танымал блогер Дина Төреәлі көпшілікпен қуанышты жаңалығын бөлісті.
Желі жұлдызы үшінші сәбиін күтіп жүргенін көрсетті.
«Алланың ең әдемі сыйы – жүрегімнің астында тағы бір жүрек соғып жатыр. Бақыт үш есе артты. Шүкір», – деп жазды Дина парақшасында.
Оған әпкесі, блогер Фариза Төреәлі де қолдау білдіріп:
«Раббым дені сау, саналы, салихалы ұрпақ нәсіп етсін!» – деп тілек жазды.
Алайда желі қолданушыларының пікірі екіге бөлінді. Бірі блогерді құттықтап, денсаулық тіледі, енді бірі «жас қыздарға үлгі боларлық шешім емес» деп сын айтты.
«Үш жылда – үш бала, қандай батылдық!», «20 жасында жоғары білім алмай, үшінші бала туу дұрыс па?! Әр қыз ең алдымен өз дамуына көңіл бөлсе, 25-28 жасында отбасы құрып, бала тапқаны жөн», «Динаны “туғыш әйел” ретінде көремін», «Күтушісі бар, жағдайы жақсы отбасында бала көп болғаны дұрыс», «Жолдасы – жалғыз ұл, тұқымын көбейтсін, аман-есен босансын», «Мен 2022 жылы тұңғышымды тудым, екіншісін әлі ойлап жүрмін», – деп жазды желідегілер.
Материал авторы
