RUS
SMARTNEWS.KZ басылымының хабарлауынша, танымал актриса әрі блогер Әсел Асқар шетелдік азаматқа тұрмысқа шығатынын ашық айтты. Бұл туралы ол өзінің әлеуметтік желідегі парақшасында бөлісті.
Актрисаның айтуынша, қазақ жігітімен жолы болмаған.
«Қазақтың жігіті бұйырмады. Екі рет талпыныс жасадым, өздеріңіз куәсіздер. Келіспейді екен. Енді тез арада дене бітімімді қалыпқа келтіріп, төсімді жасатуым керек. Жасару қажет.
Ал шетелдік жігіттер жасқа да, бала санына да қарамайды. Мадридке кеткім келеді. «Кете бер, кімге керексің» деп жазбаңдаршы, өтінемін. Әлем аруы болған испандық қыз келсе, өздерің де жүгіресіңдер», – деді блогер.
Әсел Асқардың мұндай шешім қабылдауына Алматыда 30 қыркүйекте өтетін «Қайрат» пен «Реал Мадрид» арасындағы ойын түрткі болған. Ол кезде Қазақстанға көптеген шетелдік жанкүйерлер келеді.
«Мен футбол көрмеймін. Бірақ біздің команда әлемдік клубпен ойнайды. Қаншама жанкүйер жігіттер Алматыға келеді. Бұл – туризм үшін де жақсы», – деді актриса.