RUS
SMARTNEWS.KZ басылымының хабарлауынша, танымал әнші әрі музыкалық продюсер Бағым Мұхитденованың жаңа образы әлеуметтік желі қолданушылары арасында қызу талқыға түсті.
Айта кетейік, өнер иесінің жолдасы 2025 жылдың ақпан айында өмірден өткен болатын. Жарты жылдан кейін шығармашылығына қайта оралған Бағым сахналық бейнесін жаңартып, қысқа белдемше киді. Алайда бұл таңдауы көпшілікке жақпай қалған.
Желіде әртүрлі пікірлер жазылды:
«Бір жыл қара жамылып отырмай ма?!», «Күйеуі кеше ғана қайтты ғой, шыдаса болар еді», «Баяннан қалмайын деген шығар», «Күйеуі кеткен соң шешінейін депті», – деген сияқты сындар қарша борады.
Әлеуметтік желіде сынның астында қалған продюсер көп ұзамай жауап берді.
«Мен күйеуім бар кезде де осылай киінетінмін. Ол маған ренжімейтін, қайта ұнататын. Шыдағаннан не пайда? Күйеуім қайтып келе ме? Ол мені түсінеді», – деді Бағым Мұхитденова.
Еске сала кетейік, әнші жолдасымен 23 жыл отасқанын және бірге өткізген соңғы сәттері туралы жиі жазып жүргенін айтады.
«Біздің соңғы рет бірге түскен фотомыз. 23 жыл көзді ашып-жұмғанша өте шықты. Осы әнді саған ғана арнап орындауым ұнайды деп ойлаймын», – деп бөліскен еді ол бұған дейінгі жазбаларының бірінде.