Қазақстан құрамасының бас бапкері масқара жеңілістен кейін отставкаға кетті

SMARTNEWS.KZ басылымының хабарлауынша, футболдан Қазақстан ұлттық құрамасының бас бапкері Әли Әлиев Бельгиядан ірі есеппен ұтылғаннан кейін қызметінен кететінін мәлімдеді.

Әлиевтің айтуынша, 0:6 есебімен аяқталған матчтың жауапкершілігін ол толық өз мойнына алады.

«Болғанның бәрі – менің кінәм. Жеңіліс үшін жауапкершілікті толығымен аламын. Елге барған соң бірден президентке хабарлап, отставка туралы арыз жазамын», – деді ол ойыннан кейінгі баспасөз мәслихатында.

Әлем чемпионаты-2026 іріктеу кезеңінің ойыны Брюссельдегі «Констант Ванденсток» стадионында өтті. Қазақстан құрамасы алаң иелерінен 0:6 есебімен ойсырай ұтылды.