Балқашта мектептерге теракт жасалады деген қауесет жұртты дүрліктірді

SMARTNEWS.KZ басылымының хабарлауынша, Балқаш тұрғындарын мектептерге бомба қойылды деген хабарламалар дүрліктірді.

Қауесет әлеуметтік желілер мен Telegram-арналарда тарап кеткен. Алайда Қарағанды облысының полиция департаменті бұл ақпаратты жоққа шығарды.

«Барлық білім беру мекемесі тексерілді. Ешқандай жарылғыш зат табылған жоқ», – деп хабарлады полиция өкілдері.

Құқық қорғаушылар жалған ақпарат таратқандарды іздестіріп жатыр. Тұрғындарды үрейге берілмеуге шақырды.