RUS
SMARTNEWS.KZ басылымының хабарлауынша, 15 қыркүйек күні таңертең Каспий теңізінде жер сілкінісі болды. Бұл туралы Әзербайжан Ұлттық ғылым академиясының жанындағы Республикалық сейсмология қызметі хабарлады.
Сейсмологтардың дерегінше, дүмпулер Атырау уақытымен сағат 08:40-та тіркелген. Жерасты қозғалысының магнитудасы 4,0 баллды құрады. Эпицентрдің координаттары 40.60° солтүстік ендік пен 51.83° шығыс бойлықта орналасқан. Жерасты дүмпулерінің ошағы 76 шақырым тереңдікте болған.
Алдын ала мәлімет бойынша, жер сілкінісі адамдарға елеулі зиян тигізген жоқ. Теңіз түбінде болғандықтан, ол жағалауда айқын сезілмеген.
Айта кетейік, Каспий өңірі сейсмикалық тұрғыдан белсенді аймақ саналады. Мұнда соңғы жылдары бірнеше рет төмен және орташа магнитудалы жер сілкіністері тіркелген. Мамандар теңіз маңындағы елдерді табиғи құбылыстарға дайын болуға шақырады.