RUS
SMARTNEWS.KZ басылымының хабарлауынша, Астанада блогер Ерболат Жанабыловтың жары Эльмира Төлегенованың ісі қарала бастады. Ол — заңсыз лотерея ұйымдастырды деген айыппен жауапқа тартылып отыр.
Сот отырысында Туризм және спорт министрлігіне қарасты Ойын бизнесін реттеу комитетінің өкілдері блогерлердің әрекеттеріне күмән келтірді. Комитет мүшесі Асылбек Мұстафаевтың айтуынша, бұл ұтыстардың ашықтығы жоқ, тіпті алаяқтық белгілері байқалады.
Ал әріптесі Абдель Балтегі блогерлер жүргізген конкурстарды тікелей «лохотрон» деп атап, онда нақты ережелер мен жеңімпазды анықтау тетіктері болмағанын айтты.
«Қай қатысушыға бас жүлде беріледі, утешительный сыйлық немесе iPhone кімге тиеді — бұл туралы еш жерде көрсетілмеген. Ұтыс ойыны арнайы лототрон жабдығымен тікелей эфирде өтуі тиіс еді, алайда олай болмады», – деді ол.
Шенеуніктердің сөзінше, шын мәнінде бұл тек «қалқан» болған, ал қатысу үшін қолданушылар курстарды сатып алып, артынша сол «лохотронға» қол жеткізген.
Сот процесі жалғасып жатыр, үкім әлі шыққан жоқ.