RUS
SMARTNEWS.KZ басылымының хабарлауынша, Грузия Қазақстанға және басқа да несие беруші елдерге 2004 жылы Париж клубы аясында қайта құрылымдалған сыртқы қарызын толық өтеді. Бұл туралы Kazinform жазды.
Commersant басылымының дерегінше, Грузияның жалпы берешегі 225 млн доллардан асқан. Оның ішінде Қазақстанға тиесілі қарыз көлемі 28 млн доллар болған. Бұл сомаға 1999 жылға дейінгі мерзімі өткен несиелер, 1999–2004 жылдар аралығындағы пайыздар және 2004–2006 жылдарға жоспарланған төлемдер кірді.
Қазақстанға соңғы төлем – 636 мың доллар – 2025 жылдың қыркүйегінде жасалып, он жылдан астам уақытқа созылған қарызды өтеу процесі толық аяқталды.
Грузия 2004 жылы мынадай елдер алдындағы берешегін де қайта құрылымдаған еді:
Ресей – 153 млн доллар
Түркия – 53,4 млн доллар
Армения – 19,6 млн доллар
Әзербайжан – 16,2 млн доллар
Иран – 12,8 млн доллар
2025 жылдың қыркүйегіне қарай бұл елдерге де барлық қарыз қайтарылды.
Грузия Қаржы министрлігі қарызды толық өтеудің ел үшін маңызы зор екенін атап өтті. Министрлік мәлімдемесінде бұл қадам мемлекеттің қаржылық тұрақтылығын күшейтіп, халықаралық серіктестердің сенімін арттыруға және экономикалық өсімге жағдай жасауға мүмкіндік беретіні айтылды.