RUS
SMARTNEWS.KZ басылымының хабарлауынша, Ақтөбеде екі есепші әйел мемлекеттен жәрдемақыны заңсыз жолмен алып келгені үшін сотталды.
28 және 39 жастағы айыпталушылар жеке кәсіпкер ретінде тіркеліп, салық және бухгалтерлік есеппен айналысқан. Олар декретке шығатын әйелдерді ондаған жалған ЖК-ге жұмыс істейтіндей етіп көрсетіп, Salyk.kz порталы арқылы ЭЦҚ көмегімен салық есептілігін (910.00 нысаны) тапсырған. Сөйтіп ресми түрде жұмыс істемеген әйелдер жүктілік пен босануға байланысты, сондай-ақ бала күтіміне арналған төлемдерді заңсыз алып отырған.
Тергеу дерегінше, алаяқтардың бірі онлайн-курстан өтіп, «Декретке миллионмен» деген схемаға қаныққаннан кейін, оны танысына ұсынып, іске кіріскен. 2023–2024 жылдар аралығында олар ондаған әйелге жалған құжат рәсімдеп, миллиондаған теңге жәрдемақы алуға көмектескен.
Мемлекетке келген шығынның жалпы көлемі 98 млн теңгені құрады.
Сот екі әйелді ірі көлемдегі алаяқтық үшін кінәлі деп танып, алты жылға бас бостандығынан айыру жазасынкесті. Алайда ҚК-нің 74-бабына сәйкес, үкімнің орындалуы бес жылға шегерілді — сотталушылардың балалары 14 жасқа толғанға дейін олар түрмеге отырмайды.