RUS
SMARTNEWS.KZ басылымының хабарлауынша, Қазақстанда адресаттық әлеуметтік көмек беру жүйесіне жасанды интеллект енгізілмек. Бұл туралы Еңбек және халықты әлеуметтік қорғау вице-министрі Олжас Анафин мәлімдеді.
Анафиннің сөзінше, жаңа технологиялар азаматтардың мүлкін автоматтандырылған түрде бағалауға мүмкіндік береді. Жобаның алғашқы кезеңінде жасанды интеллект жергілікті органдарға ұсыныс беріп отырады.
Екінші кезеңде FSM Social мобильді қосымшасы арқылы computer vision технологиясы қолданылады. 2025 жылдың басынан бері 100 мыңнан астам отбасы тексеріліп, 90 мың өтініш бойынша тұрғындардың тұрмыс жағдайын көрсететін фотосуреттер зерттелген. Бұл тәсіл жүйеге жоғары дәлдікпен болжам жасауға мүмкіндік береді. Енді осы модельді жаңа өтініштерге сынақ ретінде енгізіп, кейін статистика жинау жоспарланып отыр.
Министрлік роботтандырылған жүйенің артықшылықтарын атап өтті:
жәрдемақыға құқығы бар азаматтарды дәлірек анықтау;
ашықтықты күшейту;
адами факторды азайту.
Сонымен бірге вице-министр қазақстандықтардың құқықтары қорғалатынын, ал жүйенің қатесі анықталса, шешімдер қолмен қайта қаралатынын айтты.