Алматыда ректорлық қызметті 200 мың долларға сатылған

SMARTNEWS.KZ басылымының хабарлауынша, Алматыда жеке компанияның директоры аса ірі көлемдегі алаяқтық жасағаны үшін кінәлі деп танылды.

Ауэзов аудандық сотының материалдарына сәйкес, 2015 жылы айыпталушы жәбірленушіден 200 мың АҚШ долларын (сол кездегі бағам бойынша 37 млн теңге) алған. Ол Білім министрлігіндегі «таныстары» арқылы Қожа Ахмет Ясауи атындағы халықаралық қазақ-түрік университетінің ректоры қызметіне тағайындалуға көмектесемін деп уәде берген. Алайда уәдесін орындамай, ақшаны өз қажетіне жұмсап жіберген.

Сот айыпталушының әрекетін «аса ірі көлемдегі алаяқтық» деп саралады (ҚР ҚК 190-бабы 4-бөлігі, 2-тармақ).

Дегенмен, қылмыс жасалғаннан бері 10 жыл өтіп кеткендіктен, сот оны қылмыстық жауапкершіліктен мерзімнің өтуіне байланысты босатты.

Сонымен бірге, азаматтық талап қанағаттандырылды: айыпталушыдан жәбірленушінің пайдасына 37,07 млн теңге және мемлекет пайдасына 370,7 мың теңге мемлекеттік баж өндіру шешімі шықты.

Үкім әлі заңды күшіне енген жоқ. Ол 15 күн ішінде апелляциялық тәртіппен шағымдануға жатады. Осы уақыт аралығында айыпталушыға елден шықпау және тиісті тәртіпті сақтау жөнінде қолхат қалдырылды.