RUS
SMARTNEWS.KZ басылымының хабарлауынша, Мәжіліс жуырда өткен жалпы отырыста анасына туған күнімен құттықтау айтқан депутат Ардақ Назаровтың әрекетіне қатысты ресми пікір білдірді. Бұл туралы Tengrinews.kz жазды.
Парламенттің төменгі палатасы Назаровтың қадамын регламентті немесе депутаттық этика нормаларын бұзу емес деп бағалады.
«10 қыркүйектегі жалпы отырыста депутаттық сауал жариялау кезінде Ардақ Назаровтың анасына айтқан құттықтауы мәжіліс регламентін де, депутаттық этиканы да тікелей бұзбайды», – делінген палата жауабында.
Мәжіліс бұл құттықтау отырыс барысына әсер етпегенін және тиісті деңгейде айтылғанын атап өтті. Яғни, депутаттарға мінберден аналарын құттықтауға рұқсат бар, бастысы – Назаров секілді орнымен жеткізе білу қажет.
Сонымен қатар Мәжіліс парламенттік мінбердің басты мақсаты депутаттық сауал мен ресми баяндамаларға арналғанын еске салды.