RUS
SMARTNEWS.KZ басылымының хабарлауынша, Эстонияның білім және ғылым министрі Кристина Каллас алдағы уақытта мемлекет тек эстон тілінде білім беретін жекеменшік мектептерді ғана қаржыландыратынын мәлімдеді.
Министрдің айтуынша, бұл қадам кейбір саяси ұйымдардың орыс тілінде оқытатын жекеменшік мектептер ашу туралы бастамасына тосқауыл болмақ.
«Осыны болдырмау үшін мен жекеменшік мектептер туралы заңға өзгеріс енгізуді қолға алдым. Яғни мемлекеттік қаржыландыру тек эстон тіліндегі жекеменшік мектептерге беріледі. Бұл қазіргі абсурд жағдайды жояды: муниципалды мектептер орыс тілінде оқытқаны үшін қаражат алмайды, ал жекеменшік мектептер алып отыр. Демек, эстон тіліндегі оқытуға қайта оралудың жолы жоқ», – деді Каллас.
Оның сөзінше, Рийгикогуде орыс тілінде оқытуға қайта көшуге қолдау білдіретін көпшілік жоқ. Министр Нарва мен Кохтла-Ярведегі тексерістердің нәтижесіне тоқталып, аталған қалалардың эстон тіліндегі білімге көшу процесін «жеткілікті деңгейде» атқарып жатқанын атап өтті.