RUS
SMARTNEWS.KZ басылымының хабарлауынша, Алматының Алмалы ауданында өткен рейд барысында бірнеше тұрғын үй кешендерінде жезөкшелікпен айналысатын пәтерлер әшкереленді. Полиция мәліметінше, заңсыз қызмет көрсеткен орындар «Манхэттен», «Ақбұлақ» және «Кәусар» тұрғын үй кешендерінде орналасқан.
Барлығы 71 притон анықталды. Пәтерлерін заңсыз қызмет үшін жалға берген меншік иелері жауапкершілікке тартылды. Сонымен қатар құжатсыз немесе тіркеусіз тұрған азаматтарға да шара қолданылды.
«Қоғамдық тәртіпті сақтау – барлығымыздың ортақ міндетіміз. Полиция күн сайын құқықбұзушылықтың алдын алу жұмыстарын жүргізеді. Ал тұрғындар өздері тұратын аумақтағы қауіпсіздікке бейжай қарамауы керек. Азаматтарды заңсыз әрекеттер туралы полицияға хабарлауға шақырамын», – деді Алмалы аудандық полиция басқармасының бастығы Мақсат Пшан.
Құқық қорғау органдары мұндай профилактикалық жұмыстарды алдағы уақытта да тұрақты түрде жалғастырмақ.