RUS
SMARTNEWS.KZ басылымының хабарлауынша, Алматы әкімі Дархан Сатыбалды Жетісу ауданындағы Dragon City тұрғын үй кешенінің тұрғындарымен кездесіп, олардың шағымдарын тыңдады.
Алматылықтар заңсыз жер сатылымы мен қауіпсіздікке қатысты бірнеше мәселені көтерді. Ең үлкен дау – жертөледегі автотұрақтың қайта-қайта сатылуы және оның бағасының бірнеше есе қымбаттауы. Бастапқыда пәтерлермен бірге берілген паркинг кейіннен бөлек сатылымға шығарылып, құны 3 миллионнан 10 миллион теңгеге дейін өскен. Кейін бұл орындардың кейбірін коммерциялық нысанға айналдырған. Тұрғындар мұны әуелден жасалған айла-шарғы деп есептейді.
Сонымен қатар, кешендегі котельня жұмысы сенімсіз екені және жертөледе трансформаторлық подстанция орналасқаны айтылды.
Дархан Сатыбалды бұл мәселелерді жеке бақылауына алатынын мәлімдеді.
«Алгоритмді Экономикалық тергеу департаменті, прокуратура, ТЖ және басқа да органдармен бірге жасаймыз. Қажет болса, трансформаторды басқа жерге көшіреміз. Ең бастысы – 2,5 мыңға жуық тұрғынның өмірі мен қауіпсіздігіне төнетін қатерді жою», – деді әкім.
Әкім подстанцияны жертөледе орналастыруды үлкен қауіп деп атап, қауіпсіздік шараларын күшейтуді тапсырды.