RUS
SMARTNEWS.KZ басылымының хабарлауынша, Алматыда ІІ топтағы мүгедекті белгісіз адамдар күшпен психиатриялық ауруханаға жеткізбек болған. Олар өзін полиция қызметкерлері деп таныстырғанымен, ешқандай ресми құжат көрсетпеген.
Мария Басараб есімді сенімді өкілдің айтуынша, азаматты күштеп әкету әрекеті оның ірі компанияға қарсы сотта жеңіске жетуімен байланысты. Компания ер адамның ақыл-есі дұрыс емес деп танылуына мүдделі болуы мүмкін, өйткені ол сот шешімі бойынша қомақты өтемақы алуы тиіс.
Бейнежазбада ер адамға дөрекілік танытылғаны көрінеді. Ал Қарағанды облыстық полиция департаментінің тергеу басқармасының майоры Абай Қабыкен әрекеттерін «басшылық бұйрығы» деп түсіндірді.
Куәгерлер жергілікті полицияны шақырып, ер адамды әкетуге жол бермеді. Кейін барлық тарап аудандық полиция бөліміне жеткізілді.
Жәбірленуші Данияр Қойбагаровтың туыстары бұл әрекетті заңсыз деп санайды және әділдікке қол жеткізетіндерін мәлімдеді.