RUS
SMARTNEWS.KZ басылымының хабарлауынша, АҚШ Президенті Дональд Трамп 25 қыркүйек күні Вашингтондағы Ақ Үйде Түркия Президенті Режеп Тайып Ердоғанды қабылдап, оған ресейлік энергоқорларды сатып алуды тоқтатуды ұсынды.
«Оның ең дұрыс қадамы – Ресейден мұнай мен газ сатып алуды тоқтату болар еді», – деді Трамп журналистерге Ердоғанның қатысуымен.
Сонымен қатар Трамп Түркияға америкалық F-35 ұшақтарын сатып алуға рұқсат беріліп, қорғаныс саласындағы санкциялар алынуы мүмкін екенін мәлімдеді.
«Ол F-35 алғысы келеді, біз бұл мәселені өте нақты қарастырып жатырмыз», – деді АҚШ Президенті. Сонымен қатар, Түркия F-16 ұшақтарын да көптеп сатып алуға ниетті.
Естеріңізге сала кетейік, Түркияға қарсы санкциялар Трамптың бірінші мерзімінде Анкара Ресейден С-400 ПВО жүйесін алған соң енгізілген еді.
Еуропалық аналитикалық BRUEGEL орталығының дерегі бойынша, Түркия Ресейдің төртінші ірі сауда серіктесі болып табылады. 2024 жылы екі ел арасындағы сауда көлемі 52 млрд долларды құрап, негізінен пайдалы қазбалар мен электроника өнімдері сатып алынған.
Трамп НАТО елдеріне, оның ішінде Түркияға, Ресей мұнайын сатып алуды тоқтатуды ұсынады. Сол жағдайда Украинадағы соғыс «жылдам аяқталады», деп есептейді АҚШ Президенті.