RUS
SMARTNEWS.KZ басылымының хабарлауынша, Украина президенті Владимир Зеленский елді бейбіт уақытта басқаруды жоспарламайтынын мәлімдеді.
Зеленский Axios порталына берген сұхбатында:
«Менің мақсатым – соғысты аяқтау, президенттікке қайта үміткер болу емес», – деді.
Сондай-ақ ол шартты бейбітшілік орнаған жағдайда парламентке сайлау өткізу туралы өтінішпен жүруді уәде етті.
Алайда қазіргі уақытта елдегі қауіпсіздік ахуалы мен Конституция белгілі бір қиындықтар туғызатынын айтты. Материалда атап өтілгендей, әскери жағдай кезінде президенттік және депутаттық сайлауды өткізу теориялық тұрғыда мүмкін, бірақ соғыстың жалғасуы саяси тұрақтылыққа қауіп төндіреді. Ең басты мәселе – сайлаушылардың қауіпсіздігіне кепілдік жоқтығы.
Еске салайық, ақпан айында Киевтегі баспасөз мәслихатында Зеленский елде бейбітшілік орнау немесе НАТО мүшелігіне қосылу үшін президенттік қызметтен кетуге дайын екенін айтқан. Кейін ол әскери жағдай тоқтағаннан кейін сайлау өткізілетінін мәлімдеді.
Украина Орталық сайлау комиссиясының орынбасары Сергей Дубовиктің сөзінше, соғыстан кейінгі сайлауға дайындық үшін арнайы заң қабылдау қажет. Қолданыстағы заңнама бойынша, парламент сайлауы әскери жағдай аяқталғаннан кейін 60 күнде, президент сайлауы – 90 күнде өткізілуі тиіс. Дегенмен ЦИК бұл уақыт сайлауға толық дайындық үшін жеткіліксіз деп санайды.