RUS
SMARTNEWS.KZ басылымының хабарлауынша, Қазақстан түсті металдан жасалған дайындамаларды сыртқа шығаруға тыйым салды. Бұл туралы Өнеркәсіп және құрылыс министрі Ерлан Нығаспаров қол қойған бұйрықта көрсетілген.
Құжатқа сәйкес, шектеу шаралары биылғы жылдың соңына дейін күшінде болады және мыс пен қорғасыннан жасалған бірқатар өнімге қатысты. Тыйым салынғандар тізіміне мыналар кірді:
тазартылмаған мыс,
электролиттік тазарту үшін арналған мыс анодтары,
прокатқа арналған дайындамалар,
мыс қорытпалары (лигатурадан басқа),
оқшаулаусыз мыс сымдары,
сондай-ақ тазартуға арналған бірнеше санаттағы қорғасын.
Министрлік бұл шешімнің себебін ел ішіндегі қауіпсіздікті қамтамасыз ету қажеттілігімен түсіндірді. Қазақстан билігі енгізілген шектеулер жөнінде Еуразиялық экономикалық комиссияны да ресми түрде хабардар еткен.
Айта кетейік, бұған дейін Қазақстан ЕЭО елдері арасында нақты жалақы өсімі бойынша соңғы орында қалғаны хабарланған болатын.