RUS
SMARTNEWS.KZ басылымының хабарлауынша, «Келінжан» фильмінің продюсері мен сценарисі Гүлнұр Мамасарипова құрбысы Баян Алагөзовамен қарым-қатынасын баяндады. Медиа маман бұрынғы достығын қазір тек әріптес ретінде сыйлайтынын айтты.
«Бір ғана өкінетін нәрсе – достықты сақтап қала алмадық. Қалғанының бәрі шешіледі. Маған жұмыс табылды, сериалдарымды түсіріп кеттім. Сол нәзік нәрсені сындырып алдық. Өмірде осындай жағдай болады. Кейде ренжісіп қалсаң, кейін бір жерде кездейсің, сөйлесіп кетесің. Ал ең жақын адамдармен мен неге баруым керек, мен бар сен бар деп жүріп біраз уақыт өтіп кетіпті», – деді продюсер.
Гүлнұр Мамасарипова жолыққысы келгенін, Баянмен кездесіп, бар өкпелерін ұмытып, шай ішіп әңгімелескенін де атап өтті.
«Қашанғы өкпелеп жүре береміз?! Мен оның отбасын танимын. Марқұм Мақсат аға дүниеден озғанда көңіл айтып бардым. Өмірде тірі жүргесін көп нәрсені көресің», – деді ол.