Маңғыстауда жүк көлігі аударылып қалды (ВИДЕО)
Фураның дөңгелегі жарылып қалған көрінеді.
SMARTNEWS.KZ басылымының хабарлауынша, Ақтау – Жетібай тасжолында жүк көлігінің дөңгелегі жарылып, ауыр техника жол жиегіне құлап түсті.
Оқиға 29 қыркүйекте болған. Полицияның мәліметінше, ауыр жүк көлігінің дөңгелегі жүріс кезінде жарылып кеткен. Салдарынан жүргізуші рөлге ие бола алмай, көлік трассада аударылып қалған.
«Дөңгелек жарылуының салдарынан фура аударылып қалды. Жарақат алғандар жоқ», – деп мәлімдеді Маңғыстау облыстық полиция департаментінің баспасөз қызметі.
Аталған дерек бойынша жүргізушіге әкімшілік жаза қолданылды.
Материал авторы
Дана Асылбекқызы
Тілші