RUS
SMARTNEWS.KZ басылымының хабарлауынша, Абай облысының Жарма ауданында қоңыр аюлар малға жиі тиіп, жергілікті тұрғындарды әбігерге салуда.
Қапанбұлақ ауылының тұрғыны Мейрамғалым Жармағанбетовтың айтуынша, жыртқыштар оның көршілерінің 17 малын, өзінен сегіз малды алып кеткен. Ауылдықтардың аюлардың ізі мен жыртқан малдың қалдықтарын жиі кездестіретінін айтады. Жыртқыштар мұнда екінші жыл қатарынан көрініп жүр және бір мезетте бес елдімекенге бірдей қауіп төндіруде. Биылғы жазда кей шаруашылықтар бірден бірнеше малынан айырылған.
Жергілікті жұрт биліктен тез арада әрекет етуді талап етіп отыр. Ал Жарма ауданы әкімдігі жағдайға байланысты арнайы комиссия құрылғанын хабарлады. Оның құрамына әкімдік өкілдері, құқық қорғау органдары, тиісті сала мамандары және аңшылар кірген. Барлығы 28 адамның атына қару ұстауға рұқсаты бар.
Қазір комиссия іске кірісті. Әкімдік мәселені бақылауда ұстайтынын мәлімдеді.