RUS
Атырау қаласында тұратын 57 жастағы тұрғын «ГАЗель» автокөлігін 2008 жылы сатып жіберген.
Алайда, сол кезден бері сатқан автокөліктің салығы мен айыппұлын төлеп келген.
«Соңғы бес жылдан бері бұрынғы көлігін өзінің иелігіндегі есептен шығару үшін іздестіруге кіріскен. Сөйтіп, былтыр Атырау облыстық полиция департаменті әкімшілік полиция басқармасының бастығы, полиция подполковнигі Руслан Мәжитовтің қабылдауына келіп, шағым түсірген. Полиция қызметкерлері атыраулық тұрғынның сатқан автокөлігі Алматы облысының Қаскелең қаласында екенін анықтады. Көлік бұрынғы иесінің есебінен шығарылды. Ал, қазіргі иесі 800 мың теңге салығы мен айыппұлдарын өтеуге келісіп отыр», -деп хабарлады департаменттің баспасөз қызметі.