RUS
SMARTNEWS.KZ басылымының хабарлауынша, Мұнай экспорттаушы елдер ұйымы (ОПЕК) Қазақстанға қатысты өндіріс көлемін қысқарту жоспарын қатаңдатты. Бұған дейін де негізгі қысқартуларды қамтамасыз етіп келген Қазақстан енді қосымша міндеттемелерге тап болды.
Reuters агенттігінің хабарлауынша, ОПЕК хатшылығы Қазақстан, Ресей, Ирак, Оман, БАӘ және Кувейттен квота асыра өндіруді өтеп шығу бойынша жаңартылған деректер алған. Ұйым өкілдері аталған елдермен онлайн-кездесуде өтемдік жоспарды толық орындаудың маңызын баса айтты.
«Негізгі қысқартуды Қазақстан қамтамасыз етеді, одан кейінгі орында Ирак, БАӘ және Ресей тұр», — деп жазады агенттік.
Жаңа жоспарға сәйкес, Қазақстан қыркүйек 2025 пен маусым 2026 аралығында тәулігіне 2 млн 917 мың баррельді қысқартуы тиіс. Бұған дейінгі көрсеткіш 2 млн 630 мың баррель еді. Елдің үлесі ОПЕК+ елдерінің жалпы өтемдік көлемінде 62 пайызға жетті. Желтоқсаннан бастап талап етілетін қысқартулар жүздеген мың баррельді құрайтын болады.
Энергетика министрлігі әзірге жағдайға қатысты пікір білдірген жоқ. Қазақстан бұл талаптарды қалай орындайтыны белгісіз, себебі 2025 жылы мұнай өндіруді ұлғайту, соның ішінде Теңіз кен орнын кеңейту ел экономикасының басты драйверлерінің бірі болған еді.