RUS
SMARTNEWS.KZ басылымының хабарлауынша, атышулы блогер Сабина Мовлаева Алматыдағы «Қайрат» – «Реал Мадрид» ойынын тамашалау кезінде өзін ыңғайсыз жағдайға қалдырған оқиға туралы айтты.
Желі жұлдызының айтуынша, матчқа құрбысымен барған. Стадионда белгісіз ер адамдар оған тиісіп, қол жүгірткен.
«Ұят болса да айтайын. Барлығы жақсы еді, тек бір нәрсе ұнамады. Артымнан қолдар пайда болды. Шыны керек, біреулер бөксемді сипалап кетті. Мен барлығы сияқты қарапайым киінгенмін, тырысқан киім де болған жоқ», – деді ол.
Блогердің сөзінше, мұндай әрекет құрбысына да жасалған.
«Қазақ жігіттері қорғайды деп ойласақ, керісінше өзімізді солардан қорғауға тура келді. Сонда бізді кім қорғайды? Қолымыздан келгенше стадионнан тезірек шығып кетуге тырыстық», – деді Мовлаева.
Айта кетейік, Чемпиондар лигасының топтық кезеңінде өткен матчта мадридтік «Реал» «Қайратты» 5:0 есебімен жеңді.