Алматыда Газель аялдамаға соғылып, әйелді қағып кетті (ВИДЕО)

SMARTNEWS.KZ басылымының хабарлауынша, Алматыда жолаушыларды шошытқан жол-көлік оқиғасы тіркелді. «Газель» көлігі аялдама павильонына соғылып, әйел адамды қақты.

Оқиға Розыбакиев пен Сәтпаев көшелерінің қиылысында болған. Куәгерлердің айтуынша, соққыдан аялдамада тұрған әйелдің денесі әйнек қабырғаны сындырып, бірнеше метрге ұшып кеткен.

Әлеуметтік желіде тараған видеода жолаушылардың жараланған әйелді зембілге салып, жедел жәрдем көлігіне жеткізген сәті көрінеді.

Алдын ала болжам бойынша, «Газель» жүргізушісі рульге ие бола алмай, көлік бордюрден асып, аялдамаға соғылған.

Қазір оқиға орнында полиция мен жедел жәрдем қызметі жұмыс істеп жатыр. Жараланған әйелдің жағдайы анықталуда.