RUS
SMARTNEWS.KZ басылымының хабарлауынша, танымал әнші Тамара Асардың жұбайының бірінші некесінен туған ұлы Әлішер өмірден өтті.
Қаралы хабарды Қостанай облысы Наурызым ауданы әкімдігі растады.
«Белгілі кәсіпкер Жұмаш Бекмырза мен оның жұбайы, әнші Тамара Асардың ұлы Әлішердің мезгілсіз қайтыс болуына байланысты орны толмас қазаға ортақтасып, туған-туыстарына және жақындарына сабыр тілейміз. Алла тағала марқұмның жанын жәннаттан қылсын, артында қалғандарға күш-қуат берсін», – делінген әкімдік таратқан хабарламада.
Әнші бұған дейін жолдасының ұлына жылы лебіз арнап, туған күнімен құттықтаған болатын.
«Шын жүректен Әлішер баламызды туған күнімен құттықтаймыз! Денің сау, өмірің ұзақ болсын! Мені алғаш көргеннен “мама” деп атаған сенімің үшін алғыс айтам, балам. Арамыздағы жылулық пен сыйластық ешқашан үзілмесін», – деп жазған еді Тамара Асар тамыз айында жариялаған жазбасында.