RUS
SMARTNEWS.KZ басылымының хабарлауынша, белгілі актриса Дариға Бадықованың бұрынғы жары, актер Дархан Мұсаев көпшіліктің назарын тағы өзіне аударды. Ол жеке өміріне қатысты жаңа мәлімдеме жасап, болған жағдайға өз көзқарасын айтты.
Актердің айтуынша, бұрынғы әйелі полицияға арыз түсіргенін білген.
«Маған осы уақытқа дейін талай адам қоңырау шалды. Әрқайсына жеке түсініктеме беріп отырудың орнына, бәрін бір рет айтып өтейін деп шештім. Сол кезеңде менің қандай күйде болғанымды өзімнен басқа ешкім білмейді. Өз-өзіме қол жұмсауға да талпындым, көшеге шығудан қалдым. Әркімге мазақ болғанша, сотталғаным артық. Менің үстімнен қандай арыз түссе де, өз шындығымды айтамын. Тіпті, шындық детекторына отыруға дайынмын», – деді ол.
Бұған дейін Дархан Мұсаев Дариға Бадықовамен 16 жыл бойы бала сүйе алмағанын, ал қыздарын асырап алғанын ашық айтқан еді. Осы мәлімдемеден кейін актрисаның заңды өкілі, құқық қорғаушы Айгүл Орынбеконың үстінен арыз жазатынын мәлімдеді.
Оның сөзінше, бұл әрекет жеке өмір мен бала асырап алу құпиясын жария ету болып саналады.
«Баланы асырап алу – отбасылық және жеке өмірге қатысты құпия. Бұл ақпаратты жария ету – ҚР Қылмыстық кодексінің 146 және 147-баптарына сәйкес жауапкершілікке әкеледі. Заңды білмеу жауаптан босатпайды. Мұндай әрекет – тек әдепсіздік емес, нақты қылмыстық құрам бар іс», – деді заңгер.
Қазір жұрт әлеуметтік желіде жұлдызды жұптың жанжалына қатысты түрлі пікір білдіруде. Көпшілік екі тараптың да әрекетіне баға беріп, даудың немен аяқталатынын бақылап отыр.