Мексикада Димаш Құдайбергеннің концертіне билеттер небәрі 8 минутта сатылып кетті

Бұл жаңалықты әнші өзінің Instagram парақшасында бөлісті.

«Біз қосымша концерт қостық — және ол да небәрі 8 минутта сатылып кетті. Мексика, сен барлық үмітімді ақтадың!», — деп жазды Димаш.

Әншінің айтуынша, бұл концерттер жай ғана музыкалық кеш емес, «дыбыс, жарық пен махаббатпен жазылған тарихымыз». Ол сондай-ақ мексикалық тыңдармандарына жылы қабылдау мен ерекше энергиясы үшін алғыс айтты.

Айта кетейік, Димаш Құдайберген 8 қазан күні Мехикодағы Auditorio Nacional сахнасында өзінің Stranger турының алғашқы концертін өткізді.
Жанкүйерлердің сұранысына байланысты 10 қазанға Palacio de los Deportes аренасында тағы бір шоу қосылды.

Мексикада Димашқа деген қызығушылық ерекше — жергілікті БАҚ оны «шығыстың дауыс кереметі» деп атап отыр.