RUS
SMARTNEWS.KZ басылымының хабарлауынша, өнер иесі Instagram парақшасында Нұртас Айдарбековтің туған күніне бара алмағаны үшін кешірім сұрап, денсаулығына байланысты себеп түсіндірді.
«Шақыруыңа бара алмадым деп ренжіме. Алла саған ұзақ ғұмыр, немерелеріңнің баласын сүйетін қуанышты күндер нәсіп етсін. Өкінішке қарай, баспалдақтан тайып кетіп, қолымды жарақаттап алдым», — деп жазды әнші.
Мақпал Жүнісованың айтуынша, сүйегі сынбағанымен, тырнағы түбінен сынған.
Айта кетейік, Нұртас Айдарбеков жуырда 60 жасқа толды. Мерейтойын ол жүздеген қонақтың қатысуымен мейрамханада атап өтті.
Сондай-ақ Қайрат Нұртастың анасы, продюсер Гүлзира Айдарбекова әлеуметтік желіде отбасының шағын ортада өткізген туған күн кешінен бейнежазба жариялады.