RUS
SMARTNEWS.KZ басылымының хабарлауынша, Талдықорғанда 39 жастағы ер адам өз кәмелетке толмаған қызына бірнеше жыл бойы зорлық көрсеткені үшін өмір бойына бас бостандығынан айырылды.
Қылмыстық іс бойынша үкімді Жетісу облысының қылмыстық істер жөніндегі мамандандырылған ауданаралық соты шығарды. Тергеу дерегінше, ер адамның қылмысы былтыр жазда әшкере болған — сол кезде 15 жастағы қыз анасына әкесінің ұзақ жылдар бойы өзіне зорлық көрсетіп келгенін айтқан.
Сот ер адамның кінәсін толық дәлелденген деп таныды. Ол ҚР Қылмыстық кодексінің 121-бабы («Жыныстық сипаттағы зорлық-зомбылық әрекеттері») бойынша кінәлі деп танылып, өмір бойы түрме жазасына кесілді.
Бұған қоса, сот оның химиялық кастрациядан өтуін және өмір бойы білім беру саласында жұмыс істеуге тыйым салынатынын шешті.
Белгілі болғандай, сотталушы — жұмыссыз, төрт баланың әкесі.