Ұлттық банк төрағасы айфон алмауға кеңес берді

«Айфон базалық қажеттілік пе? Ал 55 дюймдік қосымша теледидар ше? Міне, осыны түсіну керек. Шынында, жалақыға дейін қарыз алатын адамдар көп емес. Ал қажет емес заттарға несие рәсімдейтіндердің үлесі де аз», – деді Сүлейменов брифинг кезінде.

Ол қазақстандықтарға ақшаны артық шығынға емес, депозитке жинауға кеңес берді.

«Ақшаңызды сақтаңыз, бір-екі, тіпті үш жыл жинаңыз. Кейін балаңызды университетке жіберуге немесе пәтер кеңейтуге жаратады. Бұл қаржыға деген жауапкершілікті де, тәртіпті де қалыптастырады», – деп атап өтті Ұлттық банк басшысы.