RUS
Бұдан бөлек, Игорь Р.-ға қосымша ауыр айып тағылды — ол 2024 жылдың шілдесінде тағы бір ресейлік және екі украин азаматының көмегімен жарылғыш зат салынған сәлемдемені курьерлік қызмет арқылы жіберуге қатысқан деген күдік бар.
«Сәлемдемеде тротил мен нитроглицерин тәрізді жарылғыш заттар, сондай-ақ әскери үлгідегі электродетонаторлар мен іске қосу құрылғылары болған», — делінген прокуратураның ресми хабарламасында.
Тергеушілердің айтуынша, бұл әрекет көптеген адамның өміріне қауіп төндіріп, ірі материалдық шығынға әкелуі мүмкін жарылыс жасау қаупін туғызған.
Айта кетейік, биылғы қыркүйекте Польша билігі Ресей тарапынан қолдау тапқан деп болжанған шетелдік тыңшылық және диверсиялық желіге қатысы бар 15 күдіктіге айып таққан.
Польшаның ресми өкілдері соңғы жылдары ел Ресей бастаған гибридтік шабуылдардың нысанасына айналғанын, әсіресе 2022 жылы Украинаға толық көлемде басып кіргеннен кейін мұндай әрекеттердің күшейгенін мәлімдеді.
Польша ІІМ дерегінше, соғыс басталғалы бері елде Ресей мен Беларусь мүддесіне тыңшылық немесе диверсия жасады деген күдікпен кемі 44 адам ұсталған.
Соңғы екі жылда Еуропаның түрлі елдерінде ондаған диверсия мен шабуыл тіркеліп, олардың артында Ресейдің барлау құрылымдары тұрғаны анықталған. Кремль бұл айыптарды үздіксіз жоққа шығарғанымен, сот істері мен дәлелдер керісінше жағдайды көрсетіп отыр.
Мәселен, биыл наурызда Лондон соты Ұлыбританияда тұратын болгар тектес бірнеше азаматты Ресей пайдасына тыңшылық жасап, журналист Христо Грозевті өлтіру немесе ұрлау жоспарына қатысы бар деп айыпты деп таныған.