RUS
SMARTNEWS.KZ басылымының хабарлауынша, екі учаскелік инспектор көршілерден түскен шағым бойынша — айқай-шу мен қатты музыкаға байланысты— шақырту орнына келген. Тәртіп сақшылары тыныштықты бұзғандарды сабырға шақырған сәтте, пәтерде болған әйелдердің бірі пышақ ала жүгірген.
Салдарынан учаскелік инспектордың арқасына пышақ жарақаты тиген. Куәгерлердің айтуынша, бәрі санаулы секундтар ішінде болған.
Жедел жәрдем қызметі зардап шеккен полицейді ауруханаға жеткізген. Дәрігерлер оның өміріне қауіп жоқ екенін хабарлады.
37 жастағы күдікті әйел ұсталды.
Қазір бұл факті бойынша Қылмыстық кодекстің 380-бабы 6-бөлігінің 1-тармағы («Билік өкіліне қатысты өмірі мен денсаулығына қауіпті күш қолдану») бойынша сотқа дейінгі тергеу басталды.