RUS
SMARTNEWS.KZ басылымының хабарлауынша, бүгін Алматыда Чемпиондар лигасының топтық кезеңіндегі үшінші ойын өтеді — жергілікті «Қайрат» кипрлік «Пафоспен» кездеседі. Бірақ матчқа сұраныс төмен: сатылған билеттер саны небәрі 30 пайыз шамасында.
Бұған жанкүйерлердің бойкоты себеп болды. Олар билет бағасының қымбаттығына наразылық білдіріп, матчқа бармайтынын жариялаған. Стадион басшылығы бағаны «турнир деңгейіне сай» деп түсіндіргенімен, көпшілік бұл шешімге келіспей отыр.
Бұған қарамастан, «Қайраттың» бас бапкері Рафаэль Оразбахтин команда толық дайын екенін айтты:
«Біз қарсыласты құрметтейміз, бірақ өз алаңымызда тек жеңіске ойнаймыз», — деді ол баспасөз жиынында.
Ал кипрлік Alphanews.live басылымы өз мақаласында «Қайратты» «гранд клуб емес» деп атап, «Пафос» қорықпай келіп отырғанын жазды.
«Бұл кипрлік клубтың топтық кезеңдегі алғашқы жеңісін алу мүмкіндігі. “Қайрат” қауіпті қарсылас, бірақ жеңілмес клуб емес», — делінген жарияланымда.
Айта кетейік, матч бүгін 21:45-те басталады.