RUS
SMARTNEWS.KZ басылымының хабарлауынша, Түркістан облысында 15 жастағы қыздың 71 жастағы туысынан жүкті болғаны анықталды.
Қыз бала ақпанда босанған, ал туыстары оның жүктілігін тек жетінші айында ғана білген. Бұл туралы әлеуметтік желілерде тараған ақпаратты облыстық полиция департаменті растады.
Полицияның хабарлауынша, Келес ауданының тұрғыны — жасөспірімнің анасы — өз қызына қатысты заңсыз әрекеттер туралы арызданған.
«Аталған дерек бойынша қылмыстық іс қозғалды. Күдікті ұсталып, уақытша ұстау изоляторына қамалды. Барлық мән-жайды анықтауға бағытталған тергеу-жедел шаралары жүргізіліп жатыр. Тергеу нәтижесіне сәйкес тиісті процессуалдық шешім қабылданады», — делінген полицияның ресми мәлімдемесінде.
Қазіргі уақытта істің тергелу барысы Түркістан облыстық полиция департаменті басшылығының бақылауында.
Білім басқармасы әзірге жағдайға қатысты пікір білдірген жоқ.