RUS
SMARTNEWS.KZ басылымының хабарлауынша, Орынбор газ өңдеу зауытына украиналық дрондар жасаған шабуылдан кейін Қарашығанақ кен орнында өндіріс көлемі уақытша төмендеген еді. Бұл туралы Энергетика министрі Ерлан Ақкенженов мәлімдеді.
Министрдің айтуынша, қазіргі шектеулер шамамен 9 мың тонна сұйық көмірсутек өндірісінің азаюына алып келген.
«Біз жақын күндері, шамамен үш тәулік ішінде бұл шектеулердің алынатынына және Қарашығанақтағы өндіріс қалпына келетінін үміт етеміз», — деді Әккенженов.
Оның сөзінше, қазіргі таңда қазақстандық газды Орынбор зауыты қабылдау көлеміне шектеу сақталып отыр. Бұл белгілі бір экономикалық әсер беріп отыр, өйткені зауыт жыл сайын Қазақстаннан шамамен 9 миллиард текше метр газ өңдейді. Қазіргі жағдайда газды өңдеудің балама бағыттары жоқ.
Сонымен қатар министр ішкі нарыққа қауіп жоқ екенін атап өтті:
«Қазақстанның ішкі қажеттілігі толық қамтамасыз етіледі, тапшылық болмайды», — деп сендірді ол.
Ақкенженов сондай-ақ Қазақстанның Қарашығанақта газ өңдеу зауытын салу жобасын қолға алғанын еске салды. Жоба «ҚазМұнайГаз» ұлттық компаниясы арқылы, шетелдік операторларды тартпай жүзеге асырылады. Қазір жаңа зауыттың техникалық параметрлері мен инфрақұрылымға интеграциясыпысықталып жатыр.