RUS
SMARTNEWS.KZ басылымының хабарлауынша, Семейде өткен бокстан ерлер арасындағы Қазақстан чемпионатының финалында 65 келіге дейінгі салмақ дәрежесінде жаңа чемпион анықталды.
Алматы облысының өкілі, елдің қазіргі чемпионы Ертуған Зейнуллинов өз атағын қорғау үшін Маңғыстау боксшысы Санатәлі Төлтаевпен жұдырықтасты. Төрешілер шешімімен 4:1 есебімен жеңіс Төлтаевқа берілді. Осылайша ол Қазақстанның жаңа чемпионы атанды.
Бұған дейін Ертуған Зейнуллинов спорттағы мансабын жалғастыру үшін курьер болып жұмыс істейтінін айтқан болатын.
Ал Санатәлі Төлтаевтың кәсіби рингте де тәжірибесі бар. Оның есебінде төрт жеңіс (екеуі нокаутпен) және бір жеңіліс тіркелген. Биыл ол WBC және Түрки әл-аш-Шейх ұйымдастырған Гран-приде өнер көрсетіп, ширек финалға дейін жеткен.